ياحزن ماكنت اعرفك من قبل
ليـن شفتـك ياحـزن بعيـون بنـت
وش تبي في من تلُثمها الخجل
ليه فـي نظراتهـا الخرسـا سكنـت
كنها فـي كـون ثانـي منعـزل
ماتشـوف الا شقـا حـظ ٍ دفنـت
كن عطر انفاسها فيني ثمل
ينبعـث وان خانهـا الاحسـاس صنـت
هي قصيده ماتخيلهـا عقـل
هـي عمـر لجلـه تحديـت ورهنـت
جرحها ينزف طهاره لا انهمل
ورمشهـا لاناظـرت فيـه انسجنـت
كيف انا بتوب من شعر الغزل
دامنـي شفـت الحيـاه بعيـن بنـت
كنت احاكيها واذا سال الكحل
رحت مدري وش حكيت ووش رطنـت
كنت ابي منها ولو كلمة امل
لـكـن حـروف الألـم كانـت وكنـت
ساكته والصمت فيها له جمل
ماقدرت ازرع فرحهـا ولا ضمنـت
قلت من هو ! اللي له بقلبك محل
جات ضمتنـي بحرقـه وانغبنـت
لعنبـو دنيـا تبكٌيهـا جعـل
ماهتنـي بالنـوم ليلـه كـان خنـت
قلت من هو اللي تحبين ورحل
طال صمت الليـل فيهـا ليـن لنـت
قلت من هو! اللي تحبينه اجل
اضحكت لي بالدموع وقالت انت
مع تحيات : زورو
موضوع: ياحزن ما كنت 